Ditën e djeshme u vu re mungesa në YouTube e të gjitha këngëve konkurruese në Festivalin e Këngës në RTSH.
As kënga e fitueses Arilena Ara apo kënga e Elvana Gjatës që numëronte miliona klikime nuk gjenden në kanalin zyrtar të RTSH-së në YouTube.
Për këtë ka reaguar vetë RTSH, e cila ka treguar se fshirja e këngëve vjen si pasojë e një problemi teknik.
Të kontaktuar nga “anabel.al”, RTSH bëri me dije se kjo situatë do të jetë e përkohshme dhe e gjithë lista e këngëve do të shfaqet sërish në playlist, pasi problemi të zgjidhet.
