Këtë vit “Kënga Magjike” shënon edicionin e saj të 23-të. Krah producentit dhe moderatorit Gjebrea do të qëndrojnë dy emra të tjerë.
Së fundmi, faqja zyrtare e “Këngës Magjike” në Instagram ka zbuluar emrat e bashkëprezantueseve të Ardit Gjebreas. Bëhet fjalë për moderatoren Eva Murati dhe aktoren e re Olta Beqiri.
Eva Murati është një emër i dëgjuar në televizion. Evën e kemi parë në shumë formate të ndryshme televizive, teksa është angazhuar edhe si aktore në disa projekte kinematografike. Nga ana tjetër Olta Beqiri është një aktore e re. Gjatë karantinës ajo fitoi një popullaritet në rrjetet sociale, duke u shfaqur më pas në serialin “Snob”.
Olta Beqiri fillimisht u bë e njohur përmes serialit Snob, ku luante rolin e Kristelës, vajzës së pasur ambicioze që familja “e lë në baltë”.
Ndryshe nga edicionet e shkuara, spektakli i “Kënga Magjike” këtë vit do të vijë 4 netë radhazi.
View this post on Instagram
