NASA dhe shkencëtarët në SHBA, dhanë një njoftim të rëndësishëm lidhur me zbulimin e ujit në anën e dukshme të Hënës.
Shkencëtarët vlerësojnë se në Hënë ka shumë “gracka uji” të vogla dhe të mëdha të përhershme, pra zona ku uji mund të bllokohet përgjithmonë, dhe që mbulojnë një sipërfaqe totale deri në 40,000 kilometra katrorë.
Njoftimet u bënë në dy botime shkencore në revistën Astronomike “Nature Astronomy ” dhe në një konferencë shtypi të organizuar nga NASA.
Zbulimi pritet të ndikojë pozitivisht në misionet e ardhshme në Hënë.
NASA synon të kthejë astronautët e saj në Hënë në 2024 si pjesë e programit Artemis, pasardhësi i programit historik Apollo të viteve 1960 dhe 1970 .
Kërkimet e mëparshme kishin zbuluar praninë e mundshme të ujit në sipërfaqen hënore, veçanërisht rreth Polit të Jugut.
