Ambasadori amerikan në vendin Donald Lu ka zbarkuar mesditën e sotme në zyrën e kreut të shteti Ilir Meta. Takimi i zhvillua në zyrën e Metës në Presidencë. Takimi mes tyre erdhi një ditë pasi dolën në dritë të dhëna rreth letrës së ish-kryeprokurorit Adriatik Llalla për Kongresin Amerikan dhe kërkesën që sipas tij Lu i kishte bërë për arrestimin e Metës.
Interesit të mediave lidhur me takimin e sotëm mes Presidenti Meta dhe Ambasadorit Lu, i është përgjigjur Drejtori i Kabinetit të Presidentit Arben Cicii cili u shpreh se:
“Presidenti i Republikës, Sh.T.Z. Ilir Meta priti sot në një takim Ambasadorin e SHBA-së në Shqipëri Sh.T.Z. Donald LU me të cilin diskutuan mbi marrëdhëniet e shkëlqyera mes dy vendeve tona dhe mbi çështjet aktuale të sigurisë rajonale dhe ndërkombëtare.
Në kuadër të integrimit evropian të Shqipërisë, çështjes së rëndësishme të hapjes së negociatave u nënvizua rëndësia e ecurisë dhe implementimit të reformës në drejtësi dhe u shkëmbyen mendime rreth situatës aktuale në vend.
Fryma e përzemërt, miqësore dhe bashkëpunuese karakterizoi, ashtu si gjithmonë, këtë takim”.
https://tiranatoday.com/llalla-sulmon-ambasadorin-lu-kerkoi-ti-ve-prangat-ilir-metes/
