Paraditen e sotme Kryetari i Kuvendit, Gramoz Ruçi, priti në një takim Ambasadoren e SHBA, Yuri Kim.
Ndërkohë së fundmi është zbardhur biseda e zhvilluar mes tyre.
Raportohet se gjatë takimit u diskutua mbi ecurinë e Reformës në Drejtësi, të Reformës Zgjedhore dhe për shpejtimin e plotësimit dhe bërjes funksionale sa më shpejt të Gjykatës Kushtetuese dhe Gjykatës së Lartë.
Kryetari i Kuvendit, vuri në dukje se Kuvendi është maksimalisht i angazhuar për suksesin e Reformës në Drejtësi, të Reformës Zgjedhore dhe realizimin e pritshmërive të qytetarëve shqiptarë, si kushte thelbësore për të nxitur e mbështetur progresin e Shqipërisë, konsolidimin e demokracisë dhe zhvillimin e vendit.
