Dalin në dritë detaje të reja nga ngjarja e rëndë që ndodhi në Australi pak muaj më parë, teksa babai vrau vajzën e tij Sabrina Leka brenda në makinë.
Media britanike “Daily Mail” ka zbardhur detaje nga gjyqi i mbajtur ditët e fundit, ku tregohet se çfarë ndodhi mes tyre natën e krimit, në makinën që babai ia kishte bërë dhuratë për ditëlindje vajzës.
Mësohet se Petrit Lekaj kishte marrë me vete një thikë 15 cm të gjatë dhe po shkonte të blinte ushqime bashkë me vajzën e tij. Por ata nisën të grindeshin në makinë për shkak të stilit të jetesës që Sabrina kishte nisur të bënte.
Babai dyshonte se e bija kishte nisur përdorimin e drogës, teksa i është drejtuar asaj me fjalët “po e çon jetën dëm”, por ajo i ishte përgjigjur se “nuk i interesonte”.
Në këtë moment babai ka nxjerrë nga xhepi thikën dhe e ka goditur vajzën në stomak, teksa ajo ka qenë duke shikuar nga dritarja e makinës.
Sabrina nisi të bërtiste për ndihmë, por babai e ka mbështetur në sedilje dhe e ka goditur me thikë edhe 7 herë të tjera, u tha në gjykatë.
