Gjykata e Krujës ka lënë në burg 51-vjeçarin Artan Islamalaja, i cili vrau me thikë bashkëshorten e tij Klarita Islamalaja, në një kapanon në fshatin Bubq. Masa e sigurisë ndaj vrasësit është dhënë në Spitalin e Traumës, kjo për shkak edhe të gjendjes së tij shëndetësore.
Nga hetimet e kryera nga ana e policisë ka rezultuar se 51-vjeçari pasi ka vrarë bashkëshorten, ka goditur veten disa herë në bark me armën e krimit si dhe ka prerë edhe qafën. 51-vjeçari do akuzohet për akuzën e “Vrasjes në familje”.
Ditën kur ka ndodhur ngjarja e rëndë, çifti ishin nisur drejt Krujës, pasi do të paraqiteshin tek noteri duke qenë se ishin në procedura për të shitur një tokë, në këtë zonë që familja Ismalaja kishte në pronësi. Ky detaj është zbuluar nga dëshmia e djalit të madh të çiftit, i cili sipas grupit të hetimit, është shprehur se prindërit e tij kanë pasur debate mes tyre, por asnjëherë nuk e ka menduar se situata do shkonte deri në këtë pikë.
Klarita Ismalaja 45-vjeçe, u masakrua me thikë nga burri i saj 51-vjeçari Artan Ismalaja. Ngjarja e rëndë ndodhi në oborrin e një magazine që ndodhet në anë të rrugës së fshatit Bubq të Krujës. Pasi kanë hyrë brenda rrethimit të magazinës, në rrethana ende të paqarta, 51-vjecari ka goditur me thikë në qafë e trup bashkëshorten e tij. Goditjet kanë qenë fatale duke i shkaktuar vdekjen e menjëhershme 45-vjeçares.
Fill pas kryerjes së aktit të rëndë, 51-vjecari, në kushte e rëndesës psikologjike për atë që kishte bërë, ka tentuar ti japë fund jetës duke u dëmtuar edhe vetë me thikë. Ngjarja e rëndë sipas uniformave blu u zhvillua ne brendësi të automjetit tip “Ford” në pronësi të bashkëshortëve. Autori ishte me profesion kameraman dhe së bashku me gruan e tij zotëronin edhe një biznes të vogël, në afërsi të fakultetit të Inxhinierisë pranë ’21 Dhjetorit’ në Tiranë.
