Orland Paplekaj, djali i policit të rendit në Durrës, Prel Paplekaj, i ka shpëtuar një atentati mesditën e sotme në rrugën dytësore në Shijak. Nga një makinë në lëvizje tip “Golf” është qëlluar me armë në drejtim të një kamionçine që drejtohej nga djali i efektivit. Persona të paidentifikuar kanë qëlluar drejt 31-vjeçarit, ku si pasojë e të shtënave ka humbur kontrollin mbi drejtimin e mjetit dhe ka dalë nga rruga, por pa pësuar dëmtime fizike. Deri më tani nuk dihen motivet e atentatit. Orland Paplekaj, i cili i shpëtoi atentatit në Shijak, ishte duke shpërndarë bombola gazi.
Durrës/Informacion paraprak
Në rrugën dytësore Xhafzotaj –Shijak, rreth orës 12:10, nga një automjet tip “Golf”, është qëlluar me armë zjarri në drejtim të automjetit tip “Kamionçinë”, që drejtohej nga shtetasi O. P. Si pasojë e të shtënave nuk ka persona të lënduar.
Drejtuesi i kamionçinës ka humbur kontrollin mbi drejtimin e mjetit, dhe për pasojë mjeti ka dalë nga rruga, por pa pësuar dëmtime fizike drejtuesi i mjetit. Shërbimet e Policisë kanë shkuar menjëherë në vendngjarje, kanë ngritur pika kontrolli në të gjitha rrugët kryesore e dytësore, si dhe kanë rrethuar zonën. Vijon krehja e saj për kapjen e autorëve. Grupi hetimor ndodhet në vendngjarje dhe nën drejtimin e Prokurorisë vijon puna për zbardhjen e rrethanave të ngjarjes, si dhe për identifikimin e autorëve.
