Aldrion Shehu “ngriti në këmbë” policinë e Elbasanit ditën e sotme.
Ai po drejtonte një makinë tip “Passat”, kur kaloi tre postblloqe që nga Pogradeci në Elbasan duke e detyruar policinë që të ndërhyjë forcërisht për ndalimin e tij.
Si pasojë e manovrave të të riut mbetën të plagosur 6 persona.
“Abcnews.al” raporton se 27-vjeçari është shprehur në komisariat se po e ndiqnin që nga Devolli.
Sipas tij, një fuoristradë i ishte vënë nga pas që në Devoll duke e detyruar të largohej me shpejtësi dhe rrjedhimisht nuk i ndaloi postblloqeve të policisë.
Policia është duke verifikuar këtë version të të riut, i cili e ktheu në një “zonë lufte” rrugën në hyrje të qytetit të Elbasanit.
Të plagosurit në spitalin e Elbasanit:
Diana Fadil Plaka 56 vjeç nga Cerriku;
Durin Aqif Plaka 56 vjeç nga Cerriku;
Adriana Agim Latifi 34 vjeç Elbasan;
Albert Agim Cani 48 vjeç nga Elbasani;
Dorina Valter Hazizi 34 vjeç nga Elbasani;
Në spitalin e Traumës, polici Eugen Abdurrazaku 27 vjeç.
