Prej ditës së djeshme, kryeministri Edi Rama ndodhet në Itali. Ai do të marrë pjesë në Forumin ndërqeveritar të bashkëpunimit rajonal mes vendeve të Evropës Qendrore e Jugore (InCe). Aktiviteti zhvillohet sot, në ambientet e Ministrisë së Jashtme Italiane.
Ky vit përkon dhe me 30 vjetorin e krijimit të këtij forumi dhe këtë vit Italia do të Presidencën e radhës së InCe, 18 vite pas herës së fundit.
Forumi drejtohet nga Kryeministri italian Giuseppe Conte. Në të do të marrin pjesë 17 vende, 9 anëtare të Bashkimit Evropian, Bullgaria, Kroacia, Italia, Polonia, Republika Çeke, Rumania, Sllovakia, Sllovenia e Hungaria. Pesë janë vende në perspektivën e hyrjes në BE si Shqipëria, Serbia, Maqedonia e Veriut, Bosnja, Hercegovina e Mali i Zi. Ftesa për pjesëmarrje kanë edhe tre vende të tjera Moldavia, Ukraina e Bjellorusia.
