Detaje të reja janë hedhur në dritë lidhur me shpërthimin e një mjeti në orët e para të ditës. Një shpërthim me lëndë plasëse ndodhi sot në Tiranë, në zonën e njohur si ‘Frigoriferi’.
Mësohet se lënda plasëse ishte vendosur në një makinë tip Benz, në pronësi të A. Bylykut, e cila qëndronte e parkuar pranë një pallati. Ajo ka shpërthyer sapo ky i fundit ka hapur derën e automjetit, por fatmirësisht nuk ka pësuar dëmtime.
Dyshohet se Bylykut i është vënë tritol në makinë, për shkak të një konflikti për shkaqe pronësie.
Shpërthimi ka ndodhur rreth orës 07:45, ndërkohë policia po vijon punën për sqarimin e rrethanave të ngjarjes.
