Dalin nga spitali 12 zyrtarët të cilët u ankuan për reaksione alergjike, teksa po verifikonin zarfet me vota të ardhura nga Serbia.
Lajmin e kanë bërë të ditur zyrtarë të Qendrës Klinike Universitare të Kosovës, të cilët u shprehën për Radio Evropa e Lirë se pacientët janë liruar nga spitali në gjendje të mirë shëndetësore.
“Gjendja shëndetësore, në momentin kur i kemi liruar pacientët, ka qenë e mirë. Ne i kemi përjashtuar sëmundjet apo shkaktarët infektivë. Me të tjerat mbetet të merren organet tjera të hetuesisë që kanë filluar me procedura”, tha drejtoresha e Klinikës Infektive, Linda Ajazaj-Berisha.
Fillimisht kanë qenë 20 zyrtarë, të cilët u ankuan për gjendjen e tyre shëndetësore, pas hapjes dhe verifikimit të votave të ardhura nga Serbia.
Prokuroria e Kosovës po i vazhdon hetimet pas raportimeve se te këta persona janë shfaqur reaksione alergjike pas hapjes së këtyre zarfeve.
Denonco ne TT