Ministri i Jashtëm i Serbisë, Ivica Daçiç i konsideron manipulime dyshimet për helmimin e 26 zyrtarvë të Komisioni Qendror të Zgjedhjeve nga zarfet e votave të ardhura nga Serbia.
Sipas tij, ky rast po përdoret nga shqiptarët për të dëbuar serbët nga Kosova.
“Manipulimet e fundit që po përdoren nga shqiptarët nuk do të thotë se ata duan të dëbojnë vetëm Listën Serbe nga Parlamenti, por duan ta dëbojnë tërë populli serb në ilegalitet”, tha Daçiç për “Tanjug”.
Ndër të tjera, ai u shpreh se ndërkombëtarët duhet ta marrin më seriozisht paralajmërimin e presidentit serb Aleksandar Vuçiç, i cili deklaroi se “jemi afër një problemi dhe kërcënimi të paqes dhe stabilitetit në Kosovë”.
“A thua se të dërguarit e shumtë ndërkombëtarë që do të vijnë në Prishtinë dhe Beograd, do të qëllojnë me grusht mbi tavolinë dhe të vendosin rend të politikanët e Prishtinës, që përfundimisht të ndalojnë ndërmarrjen e veprimeve të njëanshme ndaj popullit serb? Sepse kur të ndizet zjarri, e vështirë të shuhet më vonë”, theksoi Daçiç.
