Bosi i Palermos, Maurizio Zamparini, ka ndaluar të flasë për formën që po kalon një ndër futbollistët ë të mirë që ka pasur në ekip. Bëhet fjalë për Dybalan që në 10 javët e fundit ka treguar një ngërç në formën e tij dhe nuk po arrin të zhbllokohet. Por Zamparini mendon se ylli i Juventusit është në një gjendje të tillë pasi ai po përfiton shumë para dhe nuk po di si ti menaxhojë ato. Dybala e nisi sezonin në mënyrë prekte duke shënuar 10 gola në gjashtë ndeshjet e para, ndërsa tani ka shënuar vetëm dy gola në 10 ndeshje.
“Ai po kalon një moment të keq, por nuk ka arsye për tu shqetësuar. Është diçka që të gjithë e kalojnë, sidomos ata që shkojnë nga fitimi prej 400,000 euro në sezon, në 10 milionë euro në vit. Nuk është diçka për të qeshur. Dybala ende nuk e di se lumturia nuk gjendet te paratë, dhe mund të kalojë në diçka tjetër, por ai është një djalë i zgjuar dhe do të dalë nga kjo situatë”, tha fillimisht numri një i Palermos.
Më pas ai vlerësoi punën e mirë që ka bërë Allegri dhe klubi i Jventusit në vitet e fundit dhe sygjeroi se ata thjesht duhet të presin që Dybala të kthehet në formën e tij më të mirë.
“Unë nuk kam këshilla për t’i dhënë Marottas dhe Allegrit, të cilët janë duke bërë mirë. Ata vetëm duhet të presin për Dybalan, për tu kthyer në entuziazmin e tij”, ka thënë Zamparini. Dybala kaloi nga Palermo te Juventusi për shumën e mbi 40 milionë eurove.
