Zoran Zaev tashmë nuk është më kryeministër i Maqedonisë së Veriut.
Zaev u shpreh se pret nga Kuvend ta konstatojë atë sa më shpejt të jetë e mundur për t’i hapur kështu rrugën qeverisë teknike. Kuvendi duhet të votojë deri në mesnatë edhe Qeverinë teknike të kryesuar nga ish-ministri i Brendshëm Oliver Spasovski.
“Këtë mëngjes në orën 8.30 ishim në Qeveri. Nënshkrova dorëheqjen time, në përputhje me Marrëveshjen e Përzhinës dhe në bazë të Ligjit për Qeverinë. Besoj se dokumenti do të arrijë në Parlament shumë shpejt, në mënyrë që procedura të fillojë gjatë ditës për të mundësuar miratimin e qeverisë teknike”, tha Zaev.
Vendi do t’i drejtohet zgjedhjeve të parakohshme në 12 prill të këtij viti.
