Ambasadorja amerikane Yuri Kim është takuar sot me deputeten Rudina Hajdari, ku kanë diskutuar për Reformën Zgjedhore dhe integrimin europian të Shqipërisë. Kim është shprehur se e respekton ‘luftën’ parimore të Rudina Hajdarit, për të kërkuar më shumë sa i përket Reformës Zgjedhore.
“U takova me Rudina Hajdarin, për të diskutuar udhëheqjen e saj të Këshillit Kombëtar për Integrime Evropiane dhe vendimin e saj strategjik për të mbështetur marrëveshjen e 6 qershorit për Reformën Zgjedhore, në mënyrë që Shqipëria të mund të përmbushë parakushtet e BE. Unë e respektoj luftën e saj parimore për më shumë, duke mbajtur në mendje një figurë të madhe”, shkruan Yuri Kim.
