Ish-ministri i Drejtësisë, Ylli Manjani, ka paralajmëruar largimin e Ditmir Bushatit edhe nga Partia Socialiste, pasi më parë Edi Rama e largoi nga qeveria dhe Shkodra.
Në komentin e radhës në Facebook, Manjani thekson se largimi i Bushatit nga partia, do ti bënte nder atij, duke shtuar se me të keqen duhesh të jesh përballë, jo në krah e aq më pak brenda saj.
Sipas Manjanit, kryeministri Rama po jep prova të forta se do pranë tij shkelës ligji, kriminelë të fortë e trafikantë.
Statusi
Largimi i Ditmirit nga qeveria, nga Shkodra e me shumë gjasë edhe nga partia i bën nder Atij!
Në fakt nder është të jesh përballë me të keqen dhe jo në krah e aq më pak brenda saj.
Nga ana tjetër e gjithë kjo përpjekje për të larguar njerëz normalë, kompetent e të përgjegjshëm ka njëfarë pozitiviteti. I tregon qartësisht njerëzve, sado symbyllur të jenë, se qeveria preferon të ketë në gjirin e saj shkelës ligji, kriminelë, të fortë e trafikantë.
I tregon gjithashtu se sa paburra janë udhëheqësit, që nuk i rrinë kurrë debatit përballë, por nxjerrin helm nëpërmjet mediave shërbëtore. Këto të fundit masturbojnë nga qejfi i sajesave që bëjnë vetë me porosi nga lart…
Dukshëm fare!
Dje Partia Socialiste zhvilloi mbledhjen e Kryesisë, por në përfundim të saj ish-ministri i Jashtëm, Ditmir Bushati shprehu rezerva për sjelljen e mazhorancës, duke analizuar rastin e kryebashkiakut të Shkodrës, Valdrin Pjetri. Bushati tha para gazetarëve se ky fenomen duhet të çrrënjoset, dhe të gjitha subjektet politike duhet t’u japin qytetarëve të saj emrat më të mirë.
