Ylli i basketbollit që rrezikon jetën për të shpëtuar emigrantët në Mesdhe

Mund të kesh një rrogë prej 24 milionë euro në vit dhe të jesh mbi anijen e një ONG që shpëton emigrantët në Mesdhe. Kjo është historia e bukur e Marc Gasol, në ditët kur drama e emigrantëve gjeti foton simbol, atë të shpëtimit të Josephine, në det, pranë trupit të një nëne e një fëmije të vdekur. Mes njerëzve të ekuipazhit të anijes Astral të ONG Proactiva Open Arms është edhe Marc Gasol. Në foto duket si përdor muskujt dhe 2 metra e 16 centimetra gjatësi për të ngjitur në bord barelën në të cilën ndodhet gruaja e shpëtuar.“Ndrydhje, tërbim, pafuqi. Është e pabesueshme se si shumë persona vulnerabël braktisen në det. Kam një admirim të thellë për ata persona që tani i quaj shokët e skuadrës”, është mesazhi në Twitter, i kampionit të basketbollit, në përfundim të ndërhyrjes shpëtimtare. “Ata persona – tha spanjolli – duhen shpëtuar. Duke menduar dy fëmijët e mi, vendosa të bëj diçka” tregoi lojtari për El Pais.Gjithçka nisi kur Gasol takoi Oscar Camps, krijuesin e Proactiva Open Arms. Fjalët e tij i ndikuan, por një vit më parë nuk mundi dot ti kushtohej kësaj sfide njerëzore, duke qenë se ishte i detyruar të luante në kampionatin Europian, ndërsa ky ishte vitit i duhur.Nuk është publicitet dhe as shaka. Marc Gasol, spanjoll, 33 vjeçar, është një nga yjet e NBA. Është vëllai i Pau, një tjetër kampion i basketbollit. Marc luan me Memphis Grizzlies, për tre herë është thirrur në All Star Game. Ka një pagesë vjetore që prek shifrën e 24 milionë euro në sezon, por verën ka vendosur ta kalojë kështu…në bordin e një anije që lundron në Mesdhe me shpresën të shpëtojë njerëz që tentojnë me dëshpërim ta kalojnë detin.