Futbollisti i njohur Granit Xhaka pritet të largohet nga skuadra angleze e Arsenalit, prej ku është aktivizuar që nga viti 2016.
Lajmi bëhet i ditur nga menaxheri i mesfushorit me origjinë shqiptare. Ai ka konfirmuar se Xhaka ka arritur një marrëveshje me Hertën e Berlinit.
“Shikoni, dua të tregohem i qartë dhe i sinqertë. Ne kemi një marrëveshje për transferimin te Herta e Berlinit dhe do të shkojmë në Berlin.
I kemi thënë edhe drejtuesve të skuadrës së Arsenalit dhe trajnerit Mikel Arteta. Klubi është njoftuar për të gjitha hapat, lojtari dhe Herta kanë qenë të qartë. Tani diskutimet lidhen vetëm për vlerën e transferimit”, është shprehur menaxheri i tij.
