Tërmetet e shumta në qarkun e Korçës kanë lënë një pjesë të mirë të njerëzve pa shtëpi. Ministrja e Mbrojtjes, Olta Xhaçka ka vizituar ditën e sotme fshatin Floq, në të cilin janë konstatuar dëmet më të mëdha.
Xhaçka pohoi faktin se në këtë zonë janë dhjetëra familje në vështirësi, të cilat për momentin janë strehuar në çadrat provizore të siguruara nga Forcat e Armatosura.
Ajo vijoi më tej duke thënë se pjesë e këtij aksioni nuk janë bërë vetëm zyrtarët e shtetit por edhe vullnetarë të ndryshëm, si dhe MM po ndihmon banorët e prekur me ushqime, dhe ilaçe.
Ministrja u garantoi banorëve se do bëjnë pjesën e tyre duke ndihmuar në rimëkëmbjen e shtëpive si dhe do të dëmshpërblehen banorët, shtëpitë e të cilëve janë dëmtuar.
