Presidenti serb, Aleksandar Vuçiç ka tmerruar bashkëkombësit e tij më deklaratat që bëri sot.
Lideri i shtetit serb ishte për një vizitë në spitalin e lindjes në “Aleksinac”, në të cilin deklaroi se vihet re ulje drastike e numrit të fëmijëve.
“Do të zhdukemi si komb nëse qytetarët nuk do të ndërrojnë vetëdijen e tyre për uljen drastike të numrit të lindjeve.
Serbia dhe ne si popull nuk do të jemi në gjendje të mbijetojmë nëse nuk ndryshojmë diçka në kokën tonë. Ne kemi një problem ekzistencial me numrin e fëmijëve të lindur”, tha Vuçiç.
Gjithashtu, Vuçiç theksoi se shteti dhe Qeveria e Serbisë do të vazhdojnë të punojnë në masat stimuluese për rritjen e nivelit të lindjeve.
Sipas statistikave, rënia më e madhe e numrit të fëmijëve të lindur në Serbi është në Novi Pazar.
