Në një konferencë për media në Beograd, presidenti i Serbisë, Aleksandar Vuçiç ka lëshur një deklaratë të fortë pas qendrimit të mbajtur nga kryeministri i Kosovës, Avdullah Hoti. Ai tha se është befasuar me deklaratën e kryeministrit të Kosovës, se në Bruksel ka nisur të shkruhet marrëveshja përfundimtare midis Kosovës dhe Serbisë.
“Ne nuk dimë asgjë për të. E vetmja gjë që dimë është se ne duam të negociojmë për këto tema që janë vënë në tryezë, por do të kërkojmë që të diskutohet edhe për mosrespektimin dhe të shohim se kur do të përmbushet ajo që është nënshkruar në prill të vitit 2013. Marrëveshja e Brukselit, e ajo është bashkësia e komunave serbe”, tha Vuçiç.
