Kryeministri Edi Rama, Presidenti i Serbisë Aleksandër Vuçiç dhe kryeministri i Maqedonisë së Veriut, Dimitar Kovaçevski kanë zhvilluar një videokonferencë. Në fokus të bisedës mësohet se është përballimi i krizës energjitike.
Lajmin e ka bërë me dije vetë Vuçiç përmes një postimi në rrjetet sociale. Krah fotos, Vuçiç shkruan se kanë diskutuar për hapat e përbashkët për të siguruar një dimër të sigurtë për të gjithë qytetarët e vendeve respektive, si dhe për takimin e ardhshëm në kuadër të Procesit të Berlinit.
“Unë fola me Edi Ramën dhe Dimitar Kovaçevskin për hapat e përbashkët për të siguruar një dimër të sigurtë për të gjithë qytetarët tanë, si dhe takimin e ardhshëm në kuadër të Procesit të Berlinit, sepse së bashku jemi gjithmonë më të fortë. Një Ballkan i Hapur do të thotë paqe, prosperitet dhe një të ardhme më të sigurtë për njerëzit e rajonit tonë, sepse së bashku jemi gjithmonë më të fortë”, shkruan Vuçiç në postim.
View this post on Instagram
