Presidenti serb Aleksandar Vuçiç tha se bisedimet e tij në Moskë javën e kaluar me presidentin Vladimir Putin ishin “të mira dhe të konsiderueshme”. Vuçiç në një intervistë për tha TV Pink tha se viti i ardhshëm do të jetë plot sfida, dhe veçoi Kosovën, paqen dhe stabilitetin rajonal dhe forcimin e mëtejshëm të ekonomisë, shkruan b92. 
Ai foli për bisedën e gjatë që bati ballë për ballë me homologun e tij rus, ku u shpreh se “Ishim vetëm ne të dy dhe biseduam në një dhomë të madhe”, por nuk do të zbulonin ndonjë hollësi tjetër veçse ata folën për “situatën në rajon, ruajtjen e paqes dhe stabilitetit, për Kosovën dhe Metohinë, bashkëpunimin tekniko-ushtarak, dhe tubacionin e gazit”.
Vuçiç tha gjatë intervistës se “për sa kohë që ai është president” Serbia nuk do të vendosë sanksione ndaj Rusisë.
“U thashë njerëzve se po shkojmë drejt BE dhe se do të duhet të përshpejtojmë reformat ekonomike dhe politike në vitin 2018, por gjithashtu u thashë njerëzve se nuk ka arsye për të futur sanksione kundër Rusisë,” theksoi presidenti, shkruan Tirana Today.
I pyetur për të komentuar deklaratat që vijnë nga zyrtarët e SHBA dhe ekspertët e Ballkanit që i bëjnë thirrje Serbisë të “kthehet drejt BE”, Vuçiç tha: “Gjithçka që mund të them është se amerikanët janë miqtë tanë, ata janë të gjithë miqtë tanë. Ne po udhëheqim qeverinë dhe shtetin në një mënyrë që ndjek interesat e Republikës së Serbisë, jo ndonjë fuqi të huaj, jo Amerikës, jo Rusisë, jo BE, do të ketë presion nga të gjitha palët dhe nuk do të jetë e lehtë për t’i rezistuar”.
Duke folur për rajonin, Vuçiç tha se ai mendon se marrëveshja e paqes së Dejtonit, e cila në fund të vitit 1995 përfundoi luftën në Bosnje-Hercegovinë, tani është “kërcënuar”, por se marrëveshja ka siguruar paqe dhe se “çdo dobësim i saj mund të çojë në pasoja të paparashikueshme”.
I pyetur se pse u anulua vizita e tij në Kroaci në dhjetor, Vuçiç tha se ishte “gjithmonë i gatshëm” për t’u takuar me homologun kroat. Ai tha se arsyeja për anulimin mund të ishte që ai “tha të vërtetën, se shumë më tepër serbë sesa kroatë u zhdukën (gjatë luftës në Kroaci)”. “Unë kërkoj falje për t’ju thënë të vërtetën,” shtoi Vuçiç.
Gjatë intervistës së gjerë, që preku edhe opozitën, mediat dhe zgjedhjet lokale të së dielës në pesë komuna, Vuçiç njoftoi se kryeministri japonez do të vizitojë Serbinë më 15 janar, duke shtuar se vizita do të jetë e rëndësishme kur ajo fokusohet në investime, zhvillimin e teknologjive të larta dhe digjitalizimin. TIRANA TODAY
