Maradona nuk ka ndërruar jetë menjëherë, por pas 6 deri në 8 orë vuajtjesh. Ky është përfundimi i ekspertizës bërë pas vdekjes. Mediat argjentinase kanë zbuluar detajet e autopsisë së trupit të Diego Maradonës, para se të ndërronte jetë.
Po kështu në organizëm nuk janë gjetur gjurmë alkooli apo edhe drogë, por vetëm ilaçe të ndryshme, duke ditur se vetëm pak kohë më parë ai u bë operacion.
Megjithatë ka ende pretendime, se legjendës argjentinase Diego Armando Maradona i jepeshin ilaçe, por jo ato për të cilat ai kishte nevojë. Autopsia përcaktoi se Maradona ndërroi jetë nga problemet me mushkërinë dhe zemrën.
Diego Maradona, një nga figurat kryesore të futbollit, ndërroi jetë në datën 25 nëntor, si pasojë e një arresti kardiak. Ai mbylli sytë në moshën 60-vjeçare pas një arresti kardiak dhe ka pikëlluar familjarët e tij dhe fansat në të gjithë botën.
Ylli i pazëvendësueshëm i futbollit ka folur më herët për problemet me lëndët narkotike dhe alkoolin, gjë që është e njohur edhe publikisht. Dhe në intervistën e fundit, ai tregoi se shumë herë pyeste veten nëse njerëzit e duan më, edhe pas kaq shumë problemeve që kishte hapur.
