E enjte, 21 Tetor, 2021
12.5 C
Tirana

Vr*sja e shokut, policia dyshon edhe për makineri që prodhon “Bitcoin”

Krimi i dyshuar si aksidental i së hënës në Tiranë, kur  27-vjeçari Mehmet Qema humbi jetën nga një plumb në gjoks prej shokut të tij, Marius Dema, ka zbuluar rastësisht edhe një pajisje që dyshohet se prodhon “Bitcoin”.  Ngjarja, që ndodhi pak para mesnate në në një lokal në rrugën “5 Maji”, ka bërë që policia të kontrollojë ambientin dhe menjëheerë, pas policisxë, kanë mbërritur edhe oficerë të Antikrimit Ekonomik e Financiar.

Hetimi

Nga pamjet e kamerës së sigurisë, të siguruara nga policia,duket momenti kur Mehmet Qema, i bën me shenjë shokut të tij që ishte në këmbë, që të largonte pistoletën që i kishte drejtuar drejt tij. E megjithatë, Marius Dema, 28 vjeç, ka vazhduar me lojën e tij, derisa arma shkrepet dhe e vret shokun e sapokthyer nga Londra. tij.  Mësohet se, teksa Policia u rikthye në vendngjarje, bashkë me autorin e dyshuar, për të gjetur armën, me të cilën u krye vrasja, në katin e dytë të objektit, u zbulua një pajisje që dyshohet se prodhon “Bitcoin”. Për këtë arsye, vendi ku ndodhi ngjarja ka vijuar të qëndrojë për disa orë me radhë e rrethuar me shiritin e Policisë.

Dëshmitë

Dëshmitarë të ngjarjes kanë treguar dje për grupin hetimor, se përpara se të ndodhte vrasja, të rinjtë kanë qenë duke qëndruar në qetësi dhe nuk kanë pasur asnjë konflikt me njëri-tjetrin, pasi ishin miqtë gjithë bashkë. Ndërsa për sa i përket pajisjes që prodhon “Bitcoin”, një prej dëshmitarëve ka treguar se ambienti i ishte dhënë me qira, të dyshuarit Marius Dema. Tashmë Dema, përveç akuzës për vrasje, pritet të merren në pyetje edhe për ambientin ku dyshohet se mund të jenë prodhuar kriptomonedha.

Përveç Marius Demës që u vetëdorëzua disa orë pas vrasjes, 4 shokët e të dyve që gjendeshin së bashku me ta, e që janë vetëdorëzuar, janë nën hetim për moskallëzim krimi dhe veprime që pengojnë zbulimin e së vërtetës. Ndërkaq, pritet që edhe për lokalin të ketë masa ndëshkimore për shkak të të qenurit e hapur përtej orës së lejuar policore.

 

- Reklama -

Më shumë nga kategoria




Të fundit

Dhunoi kryebashkiakun e Selenicës, pranga 57-vjeçarit. Dalin dyshimet e para

Një 57-vjeçar ka rënë në prangat e policisë së Vlorës, pasi akuzohet se ka goditur kryetarin e Bashkisë së Selenicës, Pëllumb Binaj. Pas hekurave...

Shto ujë e shto…komisione

Nga: Skënder Minxhozi Lulzim Basha po përpiqet të krijojë një axhendë paralele me "Foltoren" e Sali Berishës, e cila po gërryen prej javësh jo vetëm...

Rrjedhin dokumentet konfidenciale, si lobojnë shtetet për ngrohjen globale

Një rrjedhje e madhe e dokumenteve të parë nga "BBC News", tregon se si vendet po përpiqen të ndryshojnë një raport shkencor vendimtar, se...

Veshka e derrit transplantohet te njeriu (FOTO)

Për herë të parë, një veshkë derri është transplantuar në një njeri, pa shkaktuar refuzim të menjëhershëm nga sistemi imunitar i marrësit, një përparim...

Shpërthim i fuqishëm gazi në Kinë/Publikohen pamjet ‘apokaliptike’ (VIDEO)

Të paktën 3 persona u vranë dhe më shumë se 30 u plagosën në një shpërthim të fuqishëm në një restorant, në qytetin verilindor...