Drejtori i policisë në Glyka Nera, Thanassis Katerinopoulos deklaroi se piloti 32-vjeçar Charalambos Anagnostopoulos, nuk e vrau bashkëshorten e tij Caroline, vetëm për shkak të një mosmarrveshjeje.
Sipas tij, në këtë ngjarje të rëndë përfshihen edhe autorë të tjerë moral, duke këmbëngulur për ekzistencën e një personi të tretë mes çiftit, shkruan protali grek Newsbomb.gr.
Këtë deklaratë, ai e bëri gjatë një emisioni në televizionin ”Alpja”, duke shtuar se si hetues i vjetër, duhet të shohë përtej dëshmive dhe fakteve që i janë dhënë.
Sipas mendimit tim, kjo histori nuk ka mbaruar. Hetuesi ka shumë punë për të bërë, sepse unë nuk do të merrem me një krim që burri bëri ndaj gruas për arsyet e tij. Këtu ka një radhë dhe autoritetet duhet të arrijnë në fund, për të parë perden e dytë pas këtij krimi. Pika e parë është kapja e autorit, icili do të shkojë në burg. A ka një pikë të dytë? Pikëpamja ime është po. Dhe sa janë të përfshirë? Jo në vrasje – në vrasje ky është autori i veprës – por në një sistem tjetër që e çoi atë në vrasjen e gruas së tij për arsye të tjera. Në një farë mase ne po flasim për një kryerës moral mbi temën e vrasjes, por edhe autorë moralë të veprimeve të tjera kriminale që Caroline e pafat ndoshta i dinte. Por si një hetues i vjetër, unë edhe mund të kem një mendje të çoroditur”, tha ai.
