Një ngjarje e rëndë ka ndodhur në Serbi. Disa persona të armatosur kanë qëlluar me armë zjarri duke e lënë të vdekur në vend, pronarin e një agjensie turistike në Prishtinë, i cili është identifikuar si Selajdin Janjeva.
Pronari i “Selo Tours” ka qenë i shoqëruar nga baxhanaku i tij, ndërsa e gjithë ngjarja është filmuar nga kamerat e një lokali aty pranë.
Siç edhe kanë fiksuar pamjet, agresorët e kanë qëlluar disa herë me armë, dhe janë larguar deri në momentin kur janë siguruar se e kanë lënë të vdekur.
Pronari i agjensisë për transportin e mallrave dhe udhëtarëve “Selo Tours”, u qëllua në Novi Pazar të Serbisë. Ndërkohë që i plagosur mbeti dhe baxhanaku i tij, i cili mësohet se ndodhet jashtë rrezikut për jetën.
