Shqiptari që vrau të bijën pasi doli natën vonë me shoqet, mësohet se po mbahet në një institucion të shëndetit mendor në Adelaide, Australi.
Petrit Lekaj ishte autori i ngjarjes. Përmes një lidhje me video me Gjykatën, ai tha se ishte vrasësi i së bijës, Sabrina Lekaj, duke mos dhënë detaje të tjera nga ngjarja tragjike.
49-vjeçari pritet të dalë para Gjykatës së Lartë më 25 nëntor, pasi prokurorët kanë kërkuar një shtyrje prej 12 javësh, në mënyrë që të dalin të gjitha rezultatet dhe raportet e vajzës së vrarë.
Në bazë të ligjeve në Australi, ai rrezikon një dënim jo më pak se 20 vjet për krimin e kryer.
Sabrina Lekaj, 20 vjeçe, studente në Universitetin “South Australia”, u gjet e pajetë në makinën e saj në qytetin Adelaide. I ati e goditi me thikë pas një sherri, sepse vajza kishte qëndruar deri natën vonë me shoqet e saj në një festë.
Policia gjeti babë e bijë brenda në makinën e tyre tip Mercedes. Të dy kishin plagë me thikë. Pasi goditi vajzën e tij, 49-vjeçari Lekaj ka qëlluar edhe mbi veten.
