Bëhen publike pamjet e kamerave të sigurisë ku 1 prej hajdutëve të arrestuar vrau 2 policë, brenda komisariatit të Triestes.
Ishin autoritetet italiane, ato të cilat bënë publike këtë video në të cilën tregohet e gjithë ngjarja, se si ka vepruar hajduti Alejandro Meran.
Ai shihet ndërsa plagos rojen e turnit, e pastaj goditet edhe vetë, dhe tenton të largohet me vrap, madje arrin të dalë jashtë ku përpiqet të vjedhë një makinë, e hap zjarr sërish kundër 7 agjentëve, përpara se të kuptojë që nuk ka rrugëdalje, e të dorëzohet.
Ngjarja ndodhi ditën e premte në mesditë, teksa dy hajdutë motorësh, ishin shoqëruar në Komisariat pas një kontrolli rutinë dhe nuk ishin prangosur, sepse ishin akoma në cilësinë e të shoqëruarve.
Në atë kohë, njëri prej tyre i ka kërkuar njërit prej oficerëve të shkojë në tualet. Alejandro Augusto Stephan Meran, 29 vjeç me origjinë Dominikane, i vodhi armën e mbushur policit Pierluigi Rotta, dhe e qëlloi atë dy herë. Pasi dëgjoi të shtënat, polici tjetër Matteo Demenego u largua nga zyra e tij dhe u qëllua gjithashtu. Rotta vdiq pasi u godit nga dy të shtëna në anën e majtë të kraharorit dhe barkut, Demenego u godit 3 herë: në kaviljen e tij të majtë, në anën e majtë dhe në shpinë.
Pasi hajduti qëlloi policët, vëllai i tij mbylli veten në zyrë dhe më pas u fsheh për disa orë në bodrumin e ndërtesës, ku u identifikua dhe u bllokua nga disa agjentë.
Në momentin që është përpjekur të largohet, ka plagosur dhe rojen në hyrje të komisariatit, por autori i vrasjeve u plagos teksa është bllokuar nga forcat e rendit.
Nga kjo ngjarje mbetën të vdekur Pierluigi Rotta, 34 vjeç i forcave të policisë speciale dhe Matteo De Menego 30 vjeç punonjës i thjeshtë policie. Ndërkohë që mbetën të plagosur edhe 3 efektivë të tjerë.
