Një hajdut 21-vjeçar a gjetur vdekjen teksa tentoi të vidhte disa prindër jashtë një shkolle, në Brazil.
Hajduti shkoi te dera e një shkolle dhe i tmerroi prindërit duke u nxjerrë armën në fytyrë e duke u kërkuar gjërat me vlerë. Mirëpo, një prej prindërve ishte oficere ushtarake dhe në tentativë për të mbrojtur njerëzit, e qëlloi me 3 plumba 21-vjeçarin.
Ushtarakja 42-vjeçare, nënë e dy fëmijëve ishte jashtë shërbimit por mbante armën me vete në çantë. Në momentin kur hajduti ka tentuar t’i grabisë, oficerja ka nxjerrë pistoletën dhe e qëlloi 3 herë në këmbë e në gjoks.
Sipas mediave të huaja, oficerja më pas e ka bllokuar hajdutin që të mos lëvizte derisa të vinte policia dhe ambulanca. 21-vjeçari i cili tentoi t’i grabiste prindërit ndërroi jetë më vonë brenda ditës.
Videoja u bë virale dhe oficerja ushtarake mori nderime nga guvernatori i zonës. Disa muaj më vonë, kur vendosi të bëhet politikane e të kandidojë në zgjedhje, ajo përdori videon me moton “Unë nuk kam frikë ta luftoj krimin”.
Pavarësisht kundërshtimeve të opozitës për përdorimin e vrasjes si material fushate zgjedhore, gruaja mori votën e popullit dhe jo vetëm që sot është politikane, por ishte e shtata kandidate më e suksesshme në shtetin e saj, Sao Paolo.
https://www.youtube.com/watch?time_continue=51&v=mBo73MCL5M8
