Kronikë

Vrau çiftin anglez, shqiptari merr “goditjen e fundit”. Pretendimi para gjykatës

               Publikuar në : 14:08 - 15/04/19 S.N

Dështon kërkesa e shqiptarit për apelim të vendimit, pasi u dënua me 35 vite burg për vrasjen makabre të një çifti në Angli. 45-vjeçari Ali Qazimaj, i cili u shpall fajtor për vrasjen e ndodhur në 2017, kërkoi të apelonte vendimin, por nuk i është pranuar kërkesa.

Gjykatësi Jeremy Stuart-Smith e përshkoi  vrasjen  si “të jashtëzakonshme dhe të tmerrshme”, ndërsa autorin e cilësoi si “vrasës të pamëshirshëm”.

Trupi i Peter Stuart, 75 vjeç, i cili ishte therur nëntë herë, u gjet në një gropë në pyll afër shtëpisë së tij në Mill Lane në Weybread, në qershor 2016, ndërsa gruaja e tij 69-vjeçare Sylvia nuk u gjet kurrë.

Shqiptari shkoi në Britani të Madhe në vitin 1999, ndërsa gjatë gjykimit ka pretenduar se ishte viktimë e një identiteti të gabuar teksa tha se nuk kishte shkelur kurrë më parë në këtë vend përpara se të ekstradohet nga Luksemburgu. Madje, ai pretendonte se emri i tij i vërtetë ishte Vital Dapi.

Në një seancë dëgjimore në Londër të enjten e kaluar, një gjyqtar në Gjykatën e Apelit, i cili i shqyrtoi dosjen, hodhi poshtë kërkesën e lejes për të apeluar vendimin.

Kthehu
WhatsApp Denonco ne TT