Gjykata ka dhënë vendimin për 4 të akuzuarit e vrasjes së Marvi Mihalit. Mësohet se Devis Bitraj është dënuar me 19 vite burg, ndërsa Eugen Bitraj me 12 vite burg. Po ashtu, edhe Kridens Alla dhe Marsel Alla janë dënuar në mungesë me nga 12 vite burg.
Marvi Mihali u vra pas një përleshje mes të rinjve për një karikues më 31 korrik të 2017. Sipas hetimeve, Marvi Mihali u godit me thikë dhe ndërroi jetë për shkak të plagëve të marra pas një konflikti për një karikues telefoni mes një mikut të tij dhe Dejvi Bitrajt. Ndërsa, Bitraj pretendon se e ka kryer vrasjen, për shkak se Mihali e ka fyer. Sipas të pandehurve, Mihali e ka ofenduar Bitrajn dhe ky i fundit ka kryer vrasjen.
Prindërit e të riut të vrarë kanë kërkuar dënim maksimal ose kanë paralajmëruar vetëgjyqësi.
