Zbardhet ngjarja e rëndë që ndodhi mbrëmë në Vlorë, ku u pretendua se një 69-vjeçar kishte rënë pre e grabitjes. Në fakt kemi të bëjmë me një krim në familje, pasi është nipi i viktimës me iniciale V.K., ai që e ka qëlluar me armë pas koke këtë të fundit.
Fillimisht, pas ngjarjes nipi i viktimës foli në një intervistë për gazetarin Enrik Mehmeti, i cili deklaroi se e kishte gjetur gjyshin të larë në gjak në shtëpinë e tij.
Ngjarja u dyshua si grabitje dhe u tha se 69-vjeçari ishte qëlluar me sende të forta.
DYSHIMET DHE INTERVISTA
Duket se intervista dhe rrëfimi i nipit për gazetarin Enrik Mehmeti pak minuta pas ngjarjes ka ngjallur dyshime tek hetuesit e krimit të rëndë, të cilët i kanë parë deklaratat e tij dhe më pas e kanë marrë në pyetje.
Pasi u shoqërua në polici dhe u mor në pyetje, nipi ka pranuar vrasjen e gjyshit të tij. Ai ka treguar edhe se ku e kishte fshehur armën e krimi.
Për policinë krimi ka qenë një ekzekutim gjakftohtë. Ngjarja ndodhi mbrëmë rreth orës 20:40 në lagjen “Rilindja” në qytetin e Vlorës.
Mësohet se i riu jetonte vetëm me nipin, i cili e kishte rritur që të vogël pasi prindërit i kishin vdekur në një aksident.
