Edhe ministri i Punëve të Brendshme, Sandër Lleshaj ka mbërritur në Shkodër, pas atentatit të rëndë ndaj dy vëllezërve Bilali sot në lagjen Kiras.
Më herët në Shkodër shkoi edhe drejtori i Përgjithshëm i Policisë së Shtetit, Ardi Veliu.
Mësohet se ndalesa e parë e ministrit Lleshaj është bërë në drejtorinë e Policisë së Shkodrës.
Dy vëllezërit, Astrit dhe Ibrahim Bilali, 59 dhe 61 vjeç, u ekzekutuan me breshëri plumbash kur sa po dilnin nga banesa e tyre në lagjen “Kiras”.
Astrit Bilali ishte një biznesmen i njohur në qytetin e Shkodrës. Kishte në pronësi të tij një resort hipizmi, pasion të cilin ja ka trasëguar edhe djalit të tij, Astmer Bilali. Ndërkohë edhe Ibrahim Bilali është ish-kampion i hipizmit.
Policia bën me dije se ka ngritur pika kontrolli, ndërsa ka dhe një apel për ndihmë nga ana e atyre që mund të kenë informacion për autorët.
