Mediat greke publikuan videon makabre të momentit të vrasjes së shqiptarit Albert Bako në burgun famëkeq të Koridhalos, Greqi. Për këtë ngjarje të tmerrshme ka reaguar edhe partia Demokracia e Re, e cila me anë të zëvendës sekretarit, Kostas Karagounis, e cilësoi si “Turp”. Po ashtu ata shkuan në akuza ndaj qeverisë greke duke e cilësuar normale që të burgosurit të vriten në pushtetin e SYRIZA.
“Në Greqinë e SYRIZA tani konsiderohet normale që të burgosurit jo vetëm të organizojnë partinë, por edhe të vrasin njëri-tjetrin”, tha Karagounis në zhurmën që ka shkaktuar video-shoku nga burgu Koridallos, me të burgosurin e vrarë në këtë burg, më 14 janar të këtij viti.
“Imazhet e vrasjes brutale në burgun e Korydallos janë tronditëse”, tha më tej Karagounis.
