Gjykata e Tiranës ka mbyllur shqyrtimin për vrasjen e Marvi Mihalit në korrik të vitit 2017, ndërsa vendimi përfundimtar për katër të pandehurit do të jepet në datën 11 prill.
I pandehuri Dejvi Bitraj përmes avokatit pranoi vrasjen, por kërkoi ndryshimin e kualifikimit nga “vrasje me paramendim” në “vrasje në tejkalim të mbrojtjes së nevojshme” dhe dënimin sipas ligjit.
Ndërkohë, gjatë seancës, Eugen Bitraj, Kridens dhe Marsel Alla, kërkuan pafajësi për akuzat e ngritura.
Kujtojmë se babai i viktimës, Pavllo Mihali, në seancat e kaluar ka kërkuar dënimin me nga 35 vite burg secilin, si dhe ka paralajmëruar se nëse nuk vendoset drejtësi, do veprojë sipas Kanunit dhe Kuranit.
