Përmes një komunikimi për mediat, ministria e Punëve të Jashtme ruse ka dënuar aktin e vrasjes së Oliver Ivanoviçit në qytetin e Mitrovicës. Ministria theksoi se Moska dënon fuqishëm këtë akt të neveritshëm dhe frikacak, duke shtuar se kjo mund të çoi në rritjen e një atmosfere terrori krijon premisa për një konflikt ndëretnik në këtë rajon.
Më tej ministria e Jashtme e Rusisë, iu ka bërë thirrje organizmave ndërkombëtarë, që të marrin masa për të parandaluara trazirat e mundshme,të cilat mund të shpërthejnë pas vrasjes së Ivanoviçit në Mitrovicë.
“Dënojmë këtë akt frikacak. Ne u bëjmë thirrje të gjitha institucioneve ndërkombëtare në Kosovë që të marrin masa për të parandaluar incidentet e mundshme në rajon. Ne presim që institucionet përkatëse të kryejnë një hetim tërësor të incidentit dhe të identifikojnë autorët që do të marrin dënimin që meritojnë”-nënvizoi për mediat ministria e Jashtme ruse.
