Arabia Saudite ka shpallur fajtorë tetë persona për vrasjen e gazetarit të “Washington Post” Jamal Khashoggi. Pesë persona janë dënuar me nga 20 vjet burgim, ndërsa tre të tjerë me nga shtatë deri në dhjetë vjet burgim.
Khashoggi shkruante artikuj kritikë për qeverinë e këtij shteti dhe për udhëheqësit më të lartë, Mbretin Salman dhe Princin Mohammad bin Salman. CIA akuzon Princin Mohammad bin Salman për vrasjen e këtij gazetari, por ai e ka mohuar këtë akuzë.
Khashogi u vra në konsullatën e Arabisë Saudite në Stamboll në tetor të vitit 2018.
