Detaje të reja janë hedhur në dritë sa i takon ngjarjes së rëndë ndodhur dje në Pejë, ku ndodhi një vrasje e dyfishtë. Kandidati për kryetar të Pejës nga PDK, Astrit Ademaj dhe ish-kandidati nga po kjo parti për kryetar të Deçanit, Blerand Kadriaj, kanë mbetur të vrarë. Për vrasjen ka folur edhe mjeku kujdestar, Sadri Berisha, i cili ka pranuar viktimat në spitalin e kësaj komune.
Ai ka thënë se dy zyrtarët e PDK-së kanë ardhur pa shenja jete në spital, ndërsa personi i tretë ka qenë i plagosur në dorën e majtë.
“Rreth orës 20: 30 pa shenja jete janë sjell në spital, dhe një i tretë i plagosur që ju ka ndihmuar me i sjell deri këtu.
Plagët kanë qenë me armë zjarri, derisa personi i tretë ka qenë i plagosur në dorën e majtë, dhe me pas ka procedu tutje dhe është intervistuar nga prokurori.
Për momentin është duke u trajtuar në spitalin e Pejës dhe është jashtë rrezikut për jetën”, tha Sadri Berisha në emisionin “Politiko” në Kanalin 10.
