E hënë, 20 Shtator, 2021
28.5 C
Tirana

Ish-Presidenti afgan: Ika për të shmangur gjakderdhjen, s’mora para nga shteti

Ish-Presidenti afgan Ashraf Ghani tha të mërkurën se ai u largua nga vendi muajin e kaluar për në Emiratet e Bashkuara Arabe, me qëllimin për të shmangur gjakderdhjen në rrugët e Kabulit ndërsa kryengritësit talebanë morën kontrollin e kryeqytetit. Ai mohoi të kishte marrë me vete fonde të qeverisë.

“Ika i nxitur nga punonjësit e sigurisë së pallatit (presidencial). Ata më këshilluan se po të qëndroja, rrezikoja të nxisja të njëjtat luftime të tmerrshme që qyteti ka përjetuar gjatë luftës civile të viteve 1990”, thuhej në një deklaratë të zotit Ghani.

“Largimi nga Kabuli ishte vendimi më i vështirë i jetës sime, por besova se ishte mënyra e vetme për të ulur armët e për të shpëtuar Kabulin si dhe 6 milionë banorët e tij”, shkruante ai më tej.

72-vjeçari Ghani tha se kishte punuar për 20 vjet për të krijuar një qeveri demokratike në Afganistan, por pranoi se nuk kishte arritur të siguronte “stabilitet dhe begati”, i njëjti rezultat që kanë prodhuar qeveritë e tjera afgane për dekada të tëra.

Emiratet e Bashkuara Arabe thanë se e mirëpritën zotit Ghanin “nën baza humanitare”.

Zoti Ghani tha se në një “të ardhme te afërt”, do të ofronte një shpjegim më të detajuar për largimin e tij të papritur më 15 gusht, duke shtuar se “aktualisht i duhej t’u përgjigjej akuzave të pabaza se kur ishte larguar nga Kabuli, kishte marrë me vete miliona dollarë që i përkisnin popullit afgan”, sikurse tha ai.

Agjencia ruse e lajmeve RIA raportoi se zoti Ghani u largua nga Kabuli me katër makina dhe një helikopter plot me para dhe se i ishte dashur të linte ca para, pasi nuk kishte patur vend ku t’i fuste. Agjenci të tjera lajmesh kanë njoftuar se ai dyshohet të ketë marrë 169 milionë dollarë nga arkat e shtetit, një akuzë e ngritur gjithashtu edhe nga Ambasadori i Afganistanit në Taxhikistan.

Lexo edhe :   "Pse jam gjallë?", vajzat afgane përjashtohen nga shkollat e mesme

“Këto akuza janë plotësisht dhe kategorikisht të rreme”, thuhej ne deklaraten e zotit Ghani.

Ai tha se ai dhe gruaja e tij “kanë qenë të kujdesshëm me financat personale” dhe se ai i ka deklaruar publikisht të gjitha pasuritë që ka. Zoti Ghani tha se do të mirëpriste një shqyrtim nga ana e Kombeve të Bashkuara mbi financat e tij ose nga një organizëm tjetër auditues i pavarur.

Lexo edhe :   "Pse jam gjallë?", vajzat afgane përjashtohen nga shkollat e mesme

Kanali i lajmeve TOLO në Afganistan publikoi një pjesë nga një intervistë me sekretarin amerikan të Shtetit Antony Blinken e cila do të transmetohej mbrëmjen e së mërkurës me orën lokale.

Gazetari pyet zotin Blinken: “A e ndihmuat Presidentin Ghani të largohet nga vendi?”

Sekretari Blinken i përgjigjet: “Në bisedën që pata me të (Ghanin) një natë para se të ikte më tha se ai ishte i përgatitur për të luftuar deri në vdekje”. /VOA

- Reklama -

Më shumë nga kategoria




Të fundit

Shërbimet sekrete zbulojnë planin/ Parandalohet ekzekutimi i Zoran Zaev

Shërbimet sekrete greke dhe qeveria parandaluan një atentat ndaj kryeministrit të Maqedonisë së Veriut, Zoran Zaev, disa muaj pas nënshkrimit të Marrëveshjes së Prespës...

Në politikën gjermane nuk përfaqësohen sa duhet migrantët

"What's your Heimat?" - cili është atdheu juaj u pyet W. Michael Blumental, drejtori që themeloi Muzeun Hebre në Berlin në vitin 2014. Për...

Pse berishizmi, është enverizimi i ri shqiptar

Nga: Mero Baze Kjo që po i ndodh Partisë Demokratike, Partisë së Punës, ka filluar ti ndodh në vitin 1991. Kur ajo filloi të reformohej...

VIDEO/Drogë, armë e vjedhje energjie, momenti i arrestimit të volejbollistit

Një volejbollist ka rënë në prangat e policisë, pasi është kapur me armë zjarri, municion luftarak dhe kokainë. Volejbollisti 26-vjeçar i identifikuar si Eraldo...

Debati në PD, Basha-Berisha na sjell edhe njëherë debatin për sovranitetin

Nga: Ben Andoni Në Shqipëri është e prerë dhe e menjëherë-pranueshme se nëse e thotë diçka apo e artikulon ambasadori i SHBA-së, atëherë deklarata ka...