Pas reshjeve të shumta gjatë fillimit të javës, më shumë se 12 mijë libra, revista dhe gazeta në Bibliotekën Kombëtare janë dëmtuar. Uji hyri në një nga sallat e nëndheshme, duke dëmtuar shumë prej botimeve.
Menjëherë, biblioteka shpalli gjendjen e emergjencës dhe se do të qëndrojë e mbyllur deri më 30 qershor.
Sipas Drejtoreshës së Bibliotekës, Persida Asllani , janë nisur të merren masa, dhe siç shihet nga jashtë godinës, disa nga librat vazhdojnë të qëndrojnë në dritare për t’u tharë.
Tirana Today pyeti qytetarët se çfarë mendojnë për këtë situatë dhe sipas tyre e gjitha është një pakujdesi nga punonjësit në Bibliotekë, por edhe një neglizhencë nga shteti. Sipas tyre, libri është një pasuri kombëtare dhe duhet të ruhet me fanatizëm. TIRANA TODAY
