Ish-kryeministri i Kosovës, Ramush Haradinaj, ka reaguar për rrëzimin e qeverisë së Albin Kurtit. Me anë të një komenti të shkurtër në Facebook, ai shprehet se votimi në Kuvend, vërteton se Kushtetuta dhe Kuvendi funksionojnë. Ai shton më tej se intitucionet e reja do të konstituohen shpejtë dhe se nuk do të ketë boshllëk qeverisës.
Statusi
Sot, deputetët e Kuvendit të Republikës së Kosovës, me 82 vota përkrahën mocionin e votëbesimit. Ky është një vërtetim se Kushtetuta dhe Kuvendi në Kosovë funksionojnë, dhe se shteti i Kosovës rreshtohet me vlerat më sublime të demokracisë. Kam besim të plotë që institucionet e Republikës do të konstituohen shpejtë dhe se nuk do të ketë boshllëk qeverisës.
