Ish-ministri i Jashtëm, Besnik Mustafaj ka folur publikisht kundër opozitës, duke e cilësuar si një sjellje politike reagimin e ashpër të saj kundër vendimit të Shqipërisë dje në OKB kundër SHBA-së, për njohjen e Jerusalemit.
I ftuar në “Opinion” në Neës 24, analisti Mustafaj tha se zhurma që po krijohet sot është pjesë e një naiviteti të opinionit publik, por edhe të politikës.
“E para duhet të jetë e qartë që është një votë kundër Amerikës. Rezoluta nuk përmend në asnjë moment SHBA. Në Jerusalem sot gjendet tre institucionet më të rëndësishme të Izraelit. Në 2005 kur erdhëm në pushtet, kishin një standard që çdo vendim do të ishte njësoj me Bashkimin Evropian.
Zhurma në rrjetet sociale, pjesë e një naiviteti i një opinioni publik, por edhe e politikës. Opozita po e trajton si një sjellje anti-amerikane. Nuk mund të kërkosh një problem aty ku nuk ka. Opozita ka 1000 problematika të tjera, dhe këto problematike po shuhen me këtë zhurmë të kotë.
Pika më sensitive sot për paqen botërore, nuk është Koreja, është Palestina, Jerusalemi në mënyrë simbolike.
Dy aleatët më të rëndësishëm në Botën Arabe, që janë Jordania dhe Egjipti, të dy e refuzuan këtë nismë të Trump. Duhet parë se ç’do prodhojë kjo.
OKB ka mbrojtur në mënyrë të vazhdueshme idenë e dy shteteve, një shtet palestine dhe një izraelit dhe ka hapur rrugën për shkëmbime territoriale. Nuk mendoj se është naive nga ana e presidentit Trump kjo masë”, tha Mustafaj. TIRANA TODAY
