Nexhmedin Marevci dhe bashkëshortja e tij Sabrie, morën vendimin më të vështirë të jetës së tyre në korrik të viti 2016: duke lënë gjithçka në Maqedoni për të shkuar në Belgjikë, raporton lanouvellegazette.be.
Ju do të pyesni pse? Për të shpëtuar fëmijën e tyre, i cili vuan nga një sëmundje e rëndë, dhe në vendin e tyre nuk iu ofrua asnjë trajtim mjekësor.
Ndërsa Nazifi është aktualisht në spital, ende në rrezik për jetën: prindërit e tij kanë marrë një urdhër për t’u larguar nga territori!
Asnjëherë, Sabrie dhe Nexhmedin Marevci nuk e kishin imagjinuar të jetonin në Belgjikë. Megjithatë, jeta në Shkup, Maqedoni, nuk ishte favorizuese për ta dhe 4 fëmijët e tyre: “Ne jemi shqiptarë dhe në Maqedoni, shqiptarët trajtohen shumë keq. Me fëmijët tanë është abuzuar dhe në shkollë”.
Megjithatë, familja nuk e kishte imagjinuar kurrë largimin nga vendi. Ishte ardhja në jetë e fëmijës së tyre të katërt, Nazifit, i cili do të ndryshonte plotësisht jetën e tyre: i lindur me shumë probleme shëndetësore, ai kaloi vitet e para të jetës së tij në spital. Përkundër kësaj, shëndeti i tij nuk përmirësohej. Stafi nuk dukej shumë bashkëpunues. Familja u detyrua të shkonte në Belgjikë. Ata arritën pas një udhëtimi të rrezikshëm, ku në Belgjikë mund t’i vihet në ndihmë djalit të tyre. TIRANA TODAY
