Infermieri Nikolin Ciko, i cili u akuzua për dy vjedhje në farmacinë e spitalit Rajonal të Korçës, është lënë në burg. 43-vjeçari akuzohet të jetë autor i dy vjedhjeve; në datën 8 mars dhe 30 gusht të këtij viti.
Policia njoftoi zyrtarisht më herët se infermieri Ciko vodhi një sasi të konsiderueshme medikamentesh e pajisjesh mjekësore, me vlerë mbi 1.000.000 lekë.
Pas arrestimit, ai ka thënë se i kishte vjedhur ilaçet për arsye borxhesh, pasi kishte edhe një kredi për të shlyer.
Nikolin Ciko, infermier në urgjencë, ka shërbyer gjatë periudhës së pandemisë duke u marrë me pacientët me Covid, të cilëve mendohet t’u ketë shitur medikamentet e vjedhura.
