Policia e Shtetit ka arrestuar një ish-punonjëse postare, e cila ishte në kërkim për veprën penale të vjedhjes dhe shpërdorimit të detyrës.
Sipas njoftimit, blutë kanë vënë në pranga një 30 vjeçare e identifikuar me inicialet A.E, banuese në Levan të Fierit, e cila gjatë kohës që kishte punuar në postën e Levanit kishte arritur të vjedhë mbi 2 milionë lek nga pagesat e faturave të dritave dhe ujit.
Ngjarja ka ndodhur gjatë periudhës janar-shtator 2019. Materialet i kaluan Prokurorisë pranë Gjykatës së Shkallës së Parë Fier për veprime të mëtejshme procedurale.
