Një ngjarje e rëndë ka ndodhur mëngjesin e sotëm në Vlorë. Një kasolle është shkrumbuar tërësisht nga zjarri në vendin e quajtur “Ura e Gjormit” në Vlorë. Kasollja ndodhej brenda një stani dhe si pasojë e flakëve ka humbur jetën një grua e moshuar që jetonte aty.
Sipas raportimeve, ka humbur jetën 80 vjeçarja e identifikuar me inicialet S.V.
Forcat e policisë kanë mbërritur në vendngjarje dhe kanë nisur hetimet. Dyshohet se zjarri të ketë qenë ngjarje aksidentale. Pritet që në vijim të zbulohen më shumë detaje.
