Kryeministri Edi Rama ishte sot në Vlorë ku mori pjesë në një mbledhje të Partisë Socialite në këtë qytet. Mbledhja e Asamblesë së Degës së Partisë Socialiste u zhvillua në Teatrin “Petro Marko” të qytetit bregdetar.
Pas mbledhjes, kreu i Partisë Socialiste Rama foli për mediat duke dhënë dhe një koment lidhur me zgjedhjen e manatit të fituar në Durrës dhe jo mbajtjen e mandatit të fituar në Vlorë.
“Një takim i detyruar si rezultat i mbarimit të një beteje të rëndësishme që e ne e fituam këtu në qarkun e Vlorës duke e arritur objektivin. Por, edhe si nevojë për t’u thënë të gjithëve që unë vërtet kam zgjedhur formalisht që të jem deputet i Durrësit, edhe për t’i kushtuar Durrësit një vëmendje të veçantë me praninë si deputet, por unë do të vazhdoj të jem në Vlorë siç kam qenë, pa asnjë lloj ndryshimi, madje për të bërë edhe më shumë”.
“Sepse me Vlorën nuk më ka lidhur mandati i deputetit dhe nuk më ndan ndarja e mandatit. Së dyti, e rëndësishme që ne të vazhdojmë intensvisht punën në gjithë qarkun, e gjithë Shqipërinë. Këtu kemi sfida që lidhen me projekte të mëdha. Por që lidhen edhe me administrimin e vogël, sa i përket administrimit të vogël unë jam realisht i shqetësuar jo vetëm për Vlorën, por në tërësi për bashkitë që kanë detyrime ekstra dhe që janë të lidhura me industrinë e turizmit. Kemi folur për këto”.
Mbledhja me socialistët e Vlorës vjen në një kohë tensioni politik në këtë Bashki, mes Ramës dhe Dritan Lelit.
