Në Vlorë raportohet vrasja e një personi vetëm pak më parë. Nga qyteti bregdetar vjen lajmi se është qëlluar me armë zjarri në drejtim të një mjeti tip BMW.
Ngjarja ka ndodhi në mes të ditës, në mes të qytetit.
Nga raportimet paraprake mësohet se një person ka mbetur i vrarë. Viktima quhet Bledar Birçaj.
Lajmi konfirmohet nga policia e cila deklaron zyrtarisht se ngjarja ka ndodhur në lagjen “Hajro Çakërri”, Vlorë, ku në rrethana ende të paqarta është qëlluar me armë zjarri në drejtim të automjetit tip” BMW” me drejtues shtetasin B. B. rreth 40 vjeç ,i cili si pasojë e plagëve të marra është transportuar në spitalin e Vlorës, ku dhe ka ndërruar jetë.
